- 578 -

1427. Juli 10. Liegnitz.

Herzog Ludwig bekennt, bei Schlichtung des Streites zwischen der Stadt Liegnitz und den liegnitzer Domherren geboten zu haben, dass kein Bier aus dem Dom-Kretscham in die Stadt gebracht werden soll.

Wir Ludowig von gotes genaden herczog in Slesien czum Brige vnd czu Lignicz bekennen vnde tuen kunth vffuntlichin mit diesem briue allen, die een sehn adir horen lesin, alz wir dann czuczeyten zwuschin den ersamen vnd andachtigen prelaten, thumherren vnd dem ganczen capitulo der kirchen czu dem heyligen grabe zu Legnicz an eyme vnd vnsern rathmannen vnd stat Legnicz an dem andern teile in eynen ausproch getan hatten, nemlichen von des thumkretschems wegen, der do beruret, daz vnsere obgenante stat vnd rathmannen mogen eren meteburgern vorbieten vnd sollen bey eyner busse, wie sie zurate worden, das sie nicht byer von dem thume in die stat tragen sollin mit flaschen, kannen, krugen vnd allerleye gefesse wie man die benennen mochte, alz gebin wir den obgenanten vnsern rathmannen gancz vollemacht, sulch gefesse von sulchen obirtretern zunemen vnd sie dorumbe phendin mogen, vnd ap denn in sulchen phenden vnd nemen irgenth eyme geistlichin manne, welchirleye stat, condicien adir wirdekeyth her were, sien gefesse genomen adir vorgriffen worde, daz sal een nicht zuvor steen vnd gancz an allen schaden sein, abir das selbe sein gefesse sollin sie eem wedir lossin wedirfaren vnd domete von allenthalbin bleyben allir peen sulchs ansprochs gancz vnbehabit vnd vnuorfallin. In craft diesis briues czu rechtem bekentenisse mit vnserm grossin anhangende segil vorsegilt. Gebin zu Legnicz am donerstage vor sandte Margarethen, noch Crists geburth vierczenhundert vnd donoch in dem sebinvndczwenczigsten jare. Dobey sind gewest vnser lieben getruen her Hencze Olaw, Henrich von Gebelczke, Conrad Hoeberg, Bernhard von Parchewicz vnd Johannes Bawde vnser schreiber, dem diesir brieff befolin warth.

O. d. St. L. No. 322. Siegel wie zuvor. — Bitschens Privilegb. f. CXVb.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866